Колледж туралы

Орал ақпараттық технологиялар колледжі 1974 жылы құрылды, оқу 04.01.2012 ж. №0036524 мемлекеттік лицензия негізінде 3 мамандық бойынша жүргізіледі, 29.08.2013 ж. №0036524 лицензияға қосымша, Қазақстан Республикасы білім және ғылым саласындағы бақылау комитетінің Батыс Қазақстан облысының білім саласындағы бақылау департаменті берген. Колледждің толық ресми атауы-Батыс Қазақстан облысы әкімдігі білім басқармасының «Орал ақпараттық технологиялар колледжі» Мемлекеттік коммуналдық қазыналық кәсіпорны. Заңды мекен-жайы: индекс 090007, Қазақстан Республикасы, Батыс Қазақстан облысы, Орал қаласы, Амангелді Каримуллина 2/1А тел: 8 (7112) 53-80-96.

Қазақ КСР Министрлігі Кеңесінің 1974 жылғы 25 тамыздағы №25 РС өкімі бойынша 1974 жылғы 1 қыркүйектен бастап №5 техникалық училище болып ұйымдастырылды. 1984 жылдың тамыз айында №5 техникалық училище 1984 жылғы 13 тамыздағы №220 мемлекеттік кәсіптік білім беру бұйрығы негізінде №5 орта кәсіптік — техникалық училище болып қайта құрылды.

1991 жылдың тамызында №5 орта кәсіптік – техникалық училище радиоэлектроника жоғары кәсіптік училищесі – техникалық лицей болып қайта аталды және қайта құрылды. ҚР Білім министрлігі Алқасының 1991 жылғы 19 желтоқсандағы №16/2 шешімімен бекітілген.

1996 жылы желтоқсанда Білім министрлігінің 1996 жылғы 27 мамырдағы №152 «Кәсіптік-техникалық білім беретін оқу орындарын қайта ұйымдастыру туралы» бұйрығымен, 1996 жылғы 5 желтоқсандағы №443 бұйрығымен, жоғары кәсіби радиоэлектроника училищесі-техникалық лицей №5 кәсіптік — техникалық лицей болып қайта құрылды.

2004 жылдың маусым айында №5 кәсіптік-техникалық лицей Батыс Қазақстан облысы Білім басқармасының 2002 жылғы 13 қыркүйектегі №287 бұйрығы және 2004 жылғы 02 маусымдағы №2134-1926-ТУ мемлекеттік қайта тіркеу туралы куәлігі негізінде №5 кәсіптік лицей болып өзгертілді.

2011 жылдың қыркүйек айында «№5 кәсіптік лицей» ММ Батыс Қазақстан облысы әкімдігінің 2011 жылғы 10 маусымдағы №93 қаулысы, «БҚО білім басқармасы» ММ-нің 2011 жылғы 22 тамыздағы №619 бұйрығы және заңды тұлғаны мемлекеттік тіркеу туралы 2011 жылдың 13 қыркүйегіндегі тіркеу нөмірі №9080-1926-ГП, сериясы В, №0345575 куәлігі негізінде «Орал ақпараттық технологиялар колледжі» МКҚК болып қайта құрылды.

Колледж Қазақстан Республикасының Конституциясы, Қазақстан Республикасының заңнамасы, Қазақстан Республикасының «Білім туралы» Заңы, Қазақстан Республикасының Білім және ғылым Министрлігінің, Батыс Қазақстан облысының әкімдігі мен білім басқармасының нормативтік құқықтық актілері, сондай–ақ колледж Жарғысы негізінде жұмыс істейді.